நம் குரல்

Monday, July 9, 2012

மெய்நிகர் உலகில்




              ஒரே கிரகத்தில் வாழும் சலிப்பா
              ஒரே வட்டத்தில் வலம்வரும் அலுப்பா
              புதுமைக்கு அலையும் அதீத ஆசையா
              சவால்களைச் சந்திக்க விழையும் மனமா
              தினவெடுத்த மூளைக்குள் தாளாத தகிப்பா
              இறக்கைகளை மாட்டிக்கொண்டு
              தொலைதூரத்தில் பறந்து திரிந்து
              மீண்டும் திரும்ப
               முப்பொழுதும் என்றில்லாமல்
               நினைக்கும் போதெல்லாம்
                    யாருக்கும் சாத்தியமாகிறது

பால்வீதியில் பகற்பொழுதிலும்
அலைந்து திரிந்து
ஒளிச்சிதறல்களை ரசிக்க
அடர்ந்த கானகத்தில்
ராட்சச மிருகங்களோடு மோதி
மல்லுக்கட்டி ஜெயிக்க
வேற்றுக் கிரகவாசிகளை
நவீன ஆயுதங்களால்
மண்ணைக் கவ்வச்செய்ய
புழுதி கிளப்பி விரையும்
குதிரைகளின் மீதேறி பறக்க
கடலுக்குள் இறங்கி
பெயர் அறியா கடல்வாசிகளோடு
சுற்றித் திரிய
யாருக்கும் சாத்தியமாகிறது

ஒவ்வொரு பயணமும்
தனித்தனியே..
அவரவர்க்கும் தனி உலகம்
குறைந்த செலவில்
கிரகம் விட்டுக் கிரகம் பயணம்

காலக் குடுவையில்
நுண்மணற் துகள்களாய்
மணித்துளிகள்
விரைந்து கரைந்து
மறைவதையறியாது..

விளையாட்டில் சலியாத மனங்கள்
கைகளில் கருவிகளோடு
தனி அறைகளில்
கணினித் திரைகளில் நுழைந்து
கனவுலகை நோக்கிப் புறப்படுகின்றன

மெய்நிகர் உலகுக்குள் நுழைந்து
சுற்றித்திரிபவர் கண்ணுக்கு
பூமியில் நடமாடும் மனிதர்கள்
தெரிகிறார்கள்
வேற்றுக் கிரகவாசிகளாக..

அச்சிட்ட அழகான நூல்கள்
தெரிகின்றன
வெறும் காகிதக் குப்பைகளாக..










1 comment: